Log kehte hain maut se bhaari hai zindagi.
Humne to har ek dhang se gujaari hai zindagi.
Jiwan kathin hai kitna ye to bata sakega wahi,
Jisne baha ke khoon sambhaari hai zindagi.
Ro padta hu yaad karke us pal ko ab talak,
Jab usne kaha tha ki tumhari hai zindagi.
Izzat par meri hajaron daag laga diye usne,
Lekin daawa hai fir bhi sambhaari hai zindagi.
Roj bharta hu sindoor uski maang mein,
Fir bhi lagta hai kunwari hai zindagi.
No comments:
Post a Comment